काँग्रेस बैठकमा नेविसंघ विघटनको प्रस्ताव पेस, सिटौलाको आपत्ति

    २५ माघ २०७५, शुक्रबार ०६:५९  मा प्रकाशित
242 जनाले पढ़िसके









काठमाडौँ– नेपाली काँग्रेस केन्द्रीय कार्यसमितिमा भातृ संगठन नेविसंघ वर्तमान कार्यसमिति विघटनको प्रस्ताव राखिएको छ । पार्टी कार्यालय सानेपामा बुधबार बसेको बैठकमा उपसभापति विमलेन्द्र निधिले नेविसंघको वर्तमान कार्यसमिति विघटनको प्रस्ताव राखेका हुन् । सभापति शेरबहादुर देउवाले नेविसंघ के गर्ने भन्ने प्रस्ताव राखेपछि उपभापति निधिले विघटनको प्रस्ताव राखे । कानुनीसँगै राजनीतिक रुपमा पनि नेविसंघको वर्तमान कार्यसमितिको औचित्य सकिएको भन्दै उनले वर्तमान कार्यसमिति भंग गरेर तदर्थ समिति बनाउन प्रस्ताव राखेको केन्द्रीय सदस्य गुरुराज घिमिरेले रातोपाटीलाई जानकारी दिए । उनले नैनसिंह महर नेतृत्वको वर्तमान कायसमितिलाई वधाई दिएर विदाई गर्नुको विकल्प नभएकोले विघटनको प्रस्ताव बैठकमा दर्ता गराएको बताए । यता पार्टीमा तेस्रो धारको नेतृत्व गरिरहेका नेता कृष्ण सिटौलाले अधिवेशनबाटै नेतृत्व चयन गर्नुपर्ने मत राखेको बताइएको छ । उनले थुप्रै भ्रातृ संगठनको अधिवेशन नभएको भन्दै नेविसंघको हकमा एक दिन म्याद सकिनासाथ भंग गर्न नहुने तर्क गरे । तर, सभापति शेरबहादुर देउवा र वरिष्ठ नेता रामचन्द्र पौडेल संघ विघटनको पक्षमा उभिएकासँग नेविसंघमा तदर्थ समिति बन्ने करिब निश्चित भएको छ ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस