नेपालगन्जमा थप ७ जनामा कोरोना संक्रमण पुष्टि, संक्रमितको संख्या ८२ पुग्यो

संक्रमितको संख्या ८२ पुग्यो
    २३ बैशाख २०७७, मंगलवार ०९:२६  मा प्रकाशित
407 जनाले पढ़िसके









बाँकेको नेपालगन्जमा थप ७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।

योसँगै नेपालमा कोरोनाबाट संक्रमित हुनेको संख्या ८२ पुगेको छ।

आज (मंगलबार) नेपालगन्जको प्रयोगशालामागरिएको परीक्षणको नतिजाले थप ७ जनामा काेराेना संक्रमण रहेकाे देखिएकाे मन्त्रालयका सहप्रवक्ता डा. समीरकुमार अधिकारीले जानकारी दिएका हुन्।

नेपालगन्ज ८ का चार महिला र तीन पुरुषमा काेराेना संक्रमण रहेकाे पुष्टि भएकाे उनले प्रेस विज्ञप्तिमार्फत जानकारी दिएका हुन्। तिनमा ९ र्वषदेखि ५५ वर्षसम्म उमेरका रहेकाे जनाइएकाे छ।

सहप्रवक्ता डा. अधिकारीका अनुसार ९, ३२, ३४ र ५५ वर्षका चार महिला र २२, ३० र ४० वर्षका तीन पुरुषमा काेराेना संक्रमण देखिएकाे हाे।

आइतबार मात्र त्यहाँ एकै पटक १५ जनामा कोरोना संक्रमण पुष्टि भएको थियो भने यसअघि शुक्रबार एक जना कोरोना संक्रमित देखिएका थिए। यीसमेत गरेर नेपालगन्जमा मात्रै २३ जना कोरोना संक्रमित भएका छन्।

हेर्नुहाेस् मन्त्रालयकाे विज्ञप्ति:

मन्त्रालयकाे विज्ञप्ति

यीसमेत गरेर नेपालमा कोरोना भाइरसले भेटेका मानिसको संख्या ८२ पुगे पनि तीमध्ये १६ जना भने उपचारपछि स्वस्थ भइसकेको मन्त्रालयले जनाएको छ। कोरोनाका कारण नेपालमा अहिलेसम्म कसैको मृत्यु भएको छैन।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस