एनआईसी लघुवित्तको सबैलाई १० कित्ता मात्र शेयर पर्ने, आइपीओ बाँडफाँड आइतबार हुने

    २० असार २०७७, शनिबार १४:५९  मा प्रकाशित
494 जनाले पढ़िसके









काठमाडौं । एनआईसी एसिया लघुवित्त वित्तीय संस्थाको साधारण सेयरको प्रि- अलटमेन्ट बिहीबार बाँडफाँड हुने भएको छ । यस्तै अन्तिम बाँडफाँड भने आइतबार हुने भएको छ ।

लघुवित्तको आइपीओमा ४ लाख १४ हजार १८० जनाले २ करोड २० लाख ६६ हजार ३९० कित्ताको लागि २ अर्ब ३० करोड ६६ लाख ३९ हजार रुपैयाँको आवेदन दिएका छन् । कम्पनीले ४७ करोड ५५ लाख रुपैयाँको ४७ लाख ५५ हजार कित्ता आइपीओ खुला गरेको थियो ।

जसमा ७४ हजार कित्ता कर्मचारी, २ लाख ३७ हजार ८०० कित्ता सामूहिक लगानी कोषका लागि बाँडफाँड गरिएको छ भने बाँकी ४४ लाख ४३ हजार २०० कित्ता सेयर सर्वसाधारणका लागि बिक्री खुला गरिएको विक्री प्रबन्धन सानिमा क्यापिटलले जनाएको छ ।

संस्थाको आईपीओमा आवेदन दिने लगानीकर्तामध्ये सबैले १० कित्ता सेयर पाउने भएका छन् भने केही लगानीकर्ताले भने २० कित्ता पनि पाउने सम्भावना छ ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस