इन्डोनेसियामा कोरोनाविरुद्धको चिनियाँ खोपको तेस्रो चरणको परीक्षण शुरु

    २७ श्रावण २०७७, मंगलवार १६:०७  मा प्रकाशित
311 जनाले पढ़िसके









चीनको सिनोभ्याक बायोटेक लिमिटेडले इन्डोनेसियामा कोरोना भाइरस (कोभिड–१९) विरुद्धको खोपको तेस्रो वा अन्तिम चरणको परीक्षण शुरु गरेको छ । सिनोभ्याकले इन्डोनेसियाको पीर बायो फर्मासँग मिलेर यो खोप बनाएको हो । मंगलबार शुरु भएको यो चरणको परीक्षण एक हजार ६२० संक्रमितमा गरिएको हो ।

सोमबार सिनोभ्याकले दोस्रो चरणको नतिजा पनि सार्वजनिक गरेको छ । दोस्रो चरणमा यो खोप कोरोना भाइरसविरुद्ध प्रभावकारी र सुरक्षित पनि देखिएको छ । कोरोना भाइरसविरुद्धको खोप निर्माणको क्रममा अन्तिम चरणको परीक्षणमा पुगेका केही कम्पनीमध्ये सिनोभ्याक पनि एक हो । यसअघि नै यो कम्पनीले ब्राजिलमा आफ्नो तेस्रो चरणको कोरोना भाइरसविरुद्धको परीक्षण शुरु गरिसकेको छ । साथै सिनोभ्याकले बंगलादेशमा पनि आफ्नो खोपको परीक्षण गर्ने तयारी गरिरहेको छ ।

इन्डोनेसियामा कोरोना भाइरसका संक्रमितको संख्या एक लाख २७ हजार नाघिसकेको छ । चीनमा कोरोना भाइरसका सक्रिय संक्रमितको संख्या निकै कम रहेकाले चिनियाँ कम्पनीले अन्य मुलुकमा खोप परीक्षण गरिरहेको छ ।

स्रोत : रोयटर्स

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस