अस्पताल नगई रेडियो चलाउँदै कोरोना संक्रमित

    ९ भाद्र २०७७, मंगलवार २०:०८  मा प्रकाशित
553 जनाले पढ़िसके









वीरगञ्ज । वीरगञ्जको एक रेडियो कोरोना संक्रमित कर्मचारीकै भरमा चलिरहेको छ । वीरगञ्ज को नारायणी एफएम १०३.८ मेगाहर्जका ५ जना कर्मचारीमा एकै पटक कोरोना संक्रमण देखियो ।

भदौ ४ गते रेडियोमा कार्यरत मध्ये ६ जनाको परीक्षण गराउँदा ५ ५ जनामा संक्रमण देखिएको नारायणी एफएमका अध्यक्ष गोविन्द देवकोटाले जानकारी दिनुभएको छ ।

देवकोटाका अनुसार सहकर्मीमा संक्रमण देखिएपछि केही दिनअघि परीक्षण गदाउँदा रिपोर्ट नेगेटिभ आएको अन्य तीन जना पनि होम क्वारेन्टाइनमा बस्नुपर्ने अवस्था आयो । संक्रमित रेडियोकर्मीहरुलाई स्थानीय प्रशासनले कोभिड अस्पतालमा लैजाने तयारी गरेको थियो । यस्तो अवस्थामा रेडियो नै बन्द गर्नुपर्ने भयो।

तर संक्रमण भएका पाँच जनाले रेडियोमै आइसोलेस बनाएर वस्ने र रेडियो निमितिसञ्चालन गर्ने निर्णयमा गरे । यसअघि नै गत साउन १८ गते स्टेशन प्रमुख नै संक्रमित भएर उपचारपछि अहिले संक्रमण मुक्त भएको रेडियोका अध्यक्ष देवकोटाले जानकारी दिनुभएको छ ।

एक प्राविधिकलाई पनि संक्रमण देखिएको उहाँलले बताउनुभएको छ । रेडियोको आइसोलेसनमा रहेर लेखा प्रशासन प्रमुख सहित दुई जना प्राविधिक, एकजना कार्यालय सहयोगी र समाचारमा एकजनाले काम गरिरहेको देवकोटाको भनाइ छ । संक्रमणमा परेर पनि संकटपूर्ण स्थिस्तिमा काम गर्ने सहकर्मीप्रति अध्यक्ष देवकोटाले आभार प्रकट गर्नुभएको छ ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस