काठमाडौंबाट कसरी बाहिरिन मिल्छ ? सवारी पास लिन के गर्ने ?

    २६ भाद्र २०७७, शुक्रबार १०:४३  मा प्रकाशित
308 जनाले पढ़िसके









काठमाडौं जिल्ला प्रशासन कार्यालयले उपत्यका बाहिर जाने सवारी सहजीकरणका लागि सम्बन्धित जिल्लाको सिफारिस अनिवार्य गरेको छ ।

जिल्ला प्रशासन कार्यालयका प्रशासकीय अधिकृत कमलप्रसाद पाण्डेले एक सूचना जारी गर्दै सवारी सहजीकरणका सम्बन्धमा सिफारिस अनिवार्य गरिएको जानकारी दिएका हुन् ।

जिल्ला प्रशासनद्वारा जारी सूचनामा भनिएको छ ‘सवारी सहजीकरणको लागि तोकिएको निविदेश, अत्यावश्यक कामको प्रयोजन स्पष्ट खुल्ने कागजात साथै जाने गन्तव्य जिल्ला प्रशासन कार्यलयको अनुमति पत्र तथा सम्बनिधत गन्तव्य स्थानको स्थानीय तहको सिफारिस अनिवार्य पेश गरी सम्बन्धिति व्यक्ति स्वयम् उपस्थत हुनुपर्ने छ ।’

जिल्ला प्रशासन कार्यालयले तोकिएका अत्यावश्यक कार्य बाहेकमा काठमाडौं जिल्ला बाहिर आवज–जावत गर्न सवारी सहजीकरण जारी नगरिने जनाएको छ।

यसअघि काठमाडौं जिल्लामा जारी गरिएको निषेध आदेशको अवधिमा उपत्यका बाहिर जाने अत्यावश्यक कामहरु जस्तै दाहसंस्कार, कर्मचारी सरुवा भई जानुपर्ने लगायतका सवारी साधनलाई सवारी सहजीकरण गरिँदै आएको थियो ।

-फाइल तस्वीर-

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस