कलाकार मालवीमाथि निर्माताले विच सडकमै गरे चक्कु प्रहार

    १२ कार्तिक २०७७, बुधबार १९:५६  मा प्रकाशित
470 जनाले पढ़िसके









टेलिभिजनको दुनियाँमा आफ्नो नाम चम्काउँदै गरेकी कलाकार मालवी मल्होत्रामाथि चक्कु प्रहार गरिएको छ । गम्भिर अवस्थामा उनलाई प्रहरीले अस्पताल पुर्याएको थियो । उनको हाल, कोकिलावेन अस्पतालमा उपचार भैरहेको छ ।

आफूलाई निर्माता बताउने योगेश महिपाल सिंह नाम गरेका व्यक्तिले उनीमाथि चक्कु प्रहार गरेका थिए । मालवी र योगेशको मित्रता सामाजिक संजाल फेसबुकबाट भएको थियो । एकहोरो प्रेमका कारण योगेशले मालवीमाथि चक्कु प्रहार गरेको आशंका प्रहरीले गरेको छ । योगेशले मालवीको घर अगाडि उनलाई सडकमा रोकेर ४ पटकसम्म चक्कु प्रहार गरेका थिए ।

मालवीको उजुरीपछि प्रहरीले योगेशको विरुद्धमा हत्याको प्रयासको उजुरी दर्ता गरेको छ । प्रहरीले मालवीमाथि चक्कु प्रहार गरेको आरोप लागेका योगेशलाई पक्राउ गरेको छ । उनी घाइते अवस्थामा भेटिएकाले उनको उपचार भैरहेको भारतीय मिडियाले उल्लेख गरेका छन् ।

सोमबार राती योगेशले आफ्नो पेट र हातमा चक्कु प्रहार गरेको मालवीको आरोप छ ।

यसैविच, नायिका कंगना रनोटले मालवीमाथि भएको चक्कु प्रहारको विरोध गर्दै उनका लागि प्रार्थना गरेको उल्लेख गरेकी छिन् । कंगनाले बलिउड पृष्ठभूमीबाट नआएका कलाकारमा यस्तो हमला हुने भन्दै यसको विरोध गरेकी छिन् ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस