दाङको तुलसीपुरबाट रोल्पा जाँदै गरेको जिप दुर्घटना: तीन जनाको मृत्यु

    २३ कार्तिक २०७७, आईतवार १२:०८  मा प्रकाशित
734 जनाले पढ़िसके









दाङको तुलसीपुरबाट रोल्पा जाँदै गरेको लु १ ज २९११ नम्बरको जिप दुर्घटना हुँदा तीन जनाको मृत्यु भएको छ।

चालक रोल्पा गंगादेव गाउँपालिका ७ बथानका ३५ वर्षीय भीमबहादुर ओली, गँगादेव ५ का ६५ वर्षीय गंजबहादुर बुढा र दाङ बबई गाउँपालिकका २ पंचकुलेका १७ वर्षीय भीमराज बुढाको घटनास्थलमै मृत्यु भएको हो।

जिपमा सात जना सवार थिए। प्रहरी नायव उपरीक्षक गोविन्द थापाले सेतोपाटीलाई दिएको जानकारीअनुसार तीन जनाको घटनास्थलमै मृत्यु र चार जना घाइते भएका हुन्। घाइतेको अवस्था सामान्य छ।

‘चार जना हामफालेर बाँचेका हुन्। उकालो चढ्न नसकेर जिप ब्याक भएको रहेछ,’ उनले भने, ‘जिपभित्र रहेकाहरूको मृत्यु भएको हो।’

सल्यान र रोल्पाको सिमाना सल्यानको छत्रेश्वरी गाउँपालिका ४ तिबाङधुरीमा शनिबार बेलुकी उक्त दुर्घटना भएको हो।

जिप सडकदेखि करिब डेढ सय मिटर तल खसेको छ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस