सामुदायिक कृषि सहकारी संस्थाको १२ औँ साधारणसभा बोटेटार (कान्छि) बजारमा सम्पन्न

    २५ पुष २०७८, आईतवार १४:३५  मा प्रकाशित
762 जनाले पढ़िसके









स्याङ्जाको चापाकोट नगरपालिका वडा नं १० बोटेटार (कान्छि) बजारमा रहेको सामुदायिक कृषि सहकारी संस्थाले  आफ्नै कार्यालयको प्राङ्गणमा एक कार्यक्रम बिच  १२ औँ बार्षिक साधारणसभा हिजो शनिवार सम्पन्न गरेको छ ।

संस्थाका अध्यक्ष कृष्णदेव पंगेनीको अध्यक्षता, विष्शिट अतिथिमा रुद्रवाहादुर थापा  एवम् शेयर सदस्य हिमलाल  श्रेष्ठको प्रमुख आतिथ्यमा भएको साधारणसभामा संस्थाका व्यवस्थापक केशब पंगेनीले ७७ / ०७८ को वार्षिक प्रतिवेदन तथा आर्थिक प्रतिवेदन सहित लेखा प्रतिवेदन प्रस्तुत गरेका थिए ।

नारायण चापागाईको स्वागत मन्तव्यबाट शुरु भएको साधारणसभामा बोल्ने बक्ताहरुमा रामचन्द्र पंगेनी, उदयराज श्रेष्ठ, सुर्य माझी लगाएतले शुभकामना मन्तव्य राख्दै सहकारी संस्थाका सञ्चालकलाई सुझाब दिएका थिए ।

सामुदायिक कृषि सहकारी संस्थाको १२ औँ साधारणसभामा सहकारी संस्थाको तर्फबाट १५ % लाभास वितरण गर्ने  भएको छ ।  यस्तै, २ पुरुष र १ महिला गरी ३ जना जेष्ठ सेयर सदस्यलाइ सम्मान गरेको छ ।  असल कृर्षक अन्तर गत बाख्रा पालन तर्फ १ जना, भैसी पालन तर्फ १ जना र च्याउ खेती तर्फ १ जना सेयर सदस्य महिलालाई सम्मान गरेको हो । बालवचत अन्तर्गत सबै भन्दा धेरै बचत जम्मा गरेका १ वाबु र १ नानी गरी जम्मा २ जानालाई सम्मान गरेको हो । हाल सम्म सामुदायिक कृषि सहकारी संस्थामा ५१३ जना सेयर सदस्य पुगेका छन । कार्यक्रमको सञ्चालन विवेक अधिकारीले गरेका थिए ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस