सन्दीप, किशोरीसँगै होटल पसेका थिए, सिसि क्यामेरामा के छ ? (भिडियो)

    २२ भाद्र २०७९, बुधबार १४:४८  मा प्रकाशित
282 जनाले पढ़िसके









काठमाडौं । प्रहरीले नेपाली राष्ट्रिय क्रिकेट टोलीका कप्तान सन्दीप लामिछाने बसेका दुइ होटलको सिसि क्यामेरा फुटेज संकलन गर्न थालेको छ । कप्तान सन्दीप लामिछानेमाथि १७ वर्षीया नाबालिगलाई बलात्कार गरेको आरोप लागेको हो ।

गत भदौ ५ गते लामिछानेले सिनामंगलस्थित एक होटलमा लगेर आफूलाई पटक पटक बलात्कार गरेको आरोप ती किशोरीले लगाइन् । सोही घटनामाथि प्रहरीमा मंगलबार उजुरी परेको थियो ।

जाहेरी दर्ता गरी किशोरीको स्वास्थ्य परीक्षण तथा घटनाबारे थप अनुसन्धान गर्ने काम हुँदैछ । जाहेरी अनुसार लामिछाने ती किशोरीसँग गत भदौ ५ गते भक्तपुर घुम्न गएका थिए ।

सोही रात लामिछानेले बलात्कार गरेको किशोरीको भनाई रहेको छ । सन्दीप र ती किशोरी गत भदौ १ गते पनि नगरकोट घुम्न गएको खुलेको छ ।

एक प्रहरी अधिकृतका अनुसार सिनामंगलस्थित होटलमा सन्दीप र ती किशोरी गएको सिसि क्यामेरा फुटेजमा देखिएको छ ।

नगरकोटमा पनि सन्दीप र ती बालिका गएको होटलको सिसिक्यामेरा फुटेज संकलन गर्न प्रहरी पुगेको छ ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस