गंगा चौधरीको जमानत जफत

    १५ मंसिर २०७९, बिहीबार २१:३९  मा प्रकाशित
145 जनाले पढ़िसके



दाङ । नेकपा एमालेबाट विद्रोह गरेर उम्मेदवार दिएकी गंगा चौधरी (सत्गौवा)को जमानत जफत भएको छ ।

दाङ क्षेत्र नं. १ बाट प्रतिनिधिसभा सदस्यमा ‘हाम्रो नेपाली पार्टी’बाट उम्मेदवारी दिएकी चौधरीले १० प्रतिशत पनि मत ल्याउँन नसकेपछि धेरौटी जफत भएको हो ।







उनले १ हजार ९२ मत प्राप्त गरेकी छन् । निर्वाचनमा १० प्रतिशतभन्दा कम मत पाउने उम्मेदवारको धरौटी जफत हुने कानुनी व्यवस्था अनुसार चौधरीको जमानत जफत भएको हो ।

नेकपा एमालेबाट प्रतिनिधि सभा सदस्यको आकांक्षी चौधरीलाई टिकट नदिएर शान्ता चौधरीलाई दिएको थियो । त्यसपछि उनले एमाले परित्याग गरी ‘हाम्रो नेपाली पार्टीबाट उम्मेदवारी दिएकी थिइन् ।

दाङमा प्रतिनिधिसभाका र प्रदेशसभाका गरी ६५ जनाको धरौती जफत भएको छ । तीन वटा प्रतिनिधि सभा र ६ वटा प्रदेश सभामा गरी उम्मेदवारी दिएका ८९ जना उम्मेदवारमध्ये ६४ जनाको धरौती जफत भएको लुम्बिनी प्रदेश निर्वाचन कार्यालय दाङका सूचना अधिकारी गेहेन्द्र कुँवरले जानकारी दिए । बाँकी २५ जनाले भने जमानत बचाउन सफल भएका छन् ।

दाङ निर्वाचन क्षेत्र-१ मा प्रतिनिधि सभातर्फका ८ जना, क्षेत्र नं.२ मा १२ जना र क्षेत्र नं. ३ मा ३३ जना उम्मेदवारहरुको जमानत जफत भएको छ । त्यसैगरी प्रदेशसभातर्फ ३१ जना उम्मेदवारहरुको जमानत जफत भएको छ ।

© 2021, Sidha Media. सर्वाधिकार सुरक्षित नोट : यस सिधा मिडियाबाट सम्प्रेषित कुनै पनि समाचार वा जानकारी सर्वाधिकार सुरक्षित गरिएको छ । ‘सिधा मिडिया डटकम’बाट प्रेषित समाचार अनलाइन न्यूजहरुले जस्ताको तस्तै साभार गरेको पाइएकाले यो नगर्न हुन अनुरोध गर्दछौं । अन्यथा, बिनाअनुमति हाम्रा सामग्री प्रयोग गरे कानुनी कारबाहीमा जान बाध्य हुनेछौं ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस